കേരളത്തിലെ ഐറ്റി മേഖലയിലെ വികസനത്തിൽ കെടുകാര്യസ്ഥത മാത്രം സംഭാവന ചെയ്ത ഉമ്മൻ ചാണ്ടി നാടു നീളെ ഐറ്റി വിപ്ലവത്തെക്കുറിച്ച് വാചകമടിക്കുമ്പോൾ ചില കാര്യങ്ങളെക്കുറിച്ച് ഓർമ്മപ്പെടുത്താതെ വയ്യ. ഇൻഫോസിസ് അടക്കമുള്ള പ്രമുഖ കമ്പനികൾ സർക്കാരിന്റെ അനാസ്ഥയിൽ മനംമടുത്ത് സംസ്ഥാനം വിടുന്ന വിവരം കഴിഞ്ഞയാഴ്ച ബഹുമാനപ്പെട്ട പ്രതിപക്ഷ നേതാവ് സഖാവ് വി.എസ്. തന്നെ പുറത്ത് കൊണ്ടുവന്നിരുന്നല്ലോ (ഇൻഫോസിസ് സർക്കാരിന് അയച്ച ആ കത്തിന്റെ കോപ്പി താഴെ ചേർത്തിട്ടുണ്ട്).

എല്‍.എല്‍.ബി വിദ്യാര്‍ത്ഥിനിയും പെരുമ്പാവൂര്‍ സ്വദേശിനിയുമായ ജിഷ എന്ന ദളിത് യുവതി അതിക്രൂരമായി ലൈംഗികാതിക്രമത്തിനിരയാവുകയും കൊല്ലപ്പെടുകയും ചെയ്ത ദാരുണ വാര്‍ത്ത 5 ദിവസത്തിനുശേഷം പുറം ലോകമറിഞ്ഞപ്പോള്‍ ഉയരുന്ന ധാര്‍മ്മികരോഷവും സ്ത്രീസുരക്ഷാവ്യാകുലതകളും ഒരു ഇലക്ഷനു തൊട്ടുമുമ്പുള്ള രാഷ്ട്രീയ മുതലെടുപ്പുകളും ഒക്കെ കൂടിച്ചേര്‍ന്ന അന്തരീക്ഷത്തിലാണ് ഈ കുറിപ്പെഴുതുന്നത്.

ക്രമസമാധാന പരിപാലനത്തിന് ഇന്ത്യ ടുഡേ ഏർപ്പെടുത്തിയ അവാർഡ്‌ തുടർച്ചയായി മൂന്നു തവണ ഏറ്റുവാങ്ങിയ സർക്കാരായിരുന്നു കഴിഞ്ഞ LDF സർക്കാരെങ്കിൽ, ഉമ്മൻചാണ്ടി സർക്കാരിന്റെ ആഭ്യന്തര വകുപ്പിൻറെ പ്രകടനം പരിഹാസ്യമാണ്. UDF സർക്കാരിന്റെ പരസ്യം പോലെയായിരുന്നു കേരളത്തിലെ കഴിഞ്ഞ അഞ്ചു വർഷക്കാലത്തെ സർക്കാറിൻറെ കുറ്റകൃത്യങ്ങളുടെ കണക്കും "അതിവേഗം, ബഹുദൂരം"...! ഒരു നാട്ടിലെ ജനാധിപത്യത്തിന്റെ പ്രധാനപ്പെട്ട അളവുകോലുകളിലൊന്ന് അവിടെ നിലനിൽക്കുന്ന ജനസുരക്ഷയാണ്. അധികാരത്തിൻറെ മൂർത്ത ഭരണഘടനാ അവകാശം നിലനില്‍ക്കുന്ന വകുപ്പാണ് ആഭ്യന്തരവകുപ്പ്.

ദൈവത്തിന്റെ സ്വന്തം നാട് ഒറ്റയാഴ്ച കൊണ്ട് ചെകുത്താന്റെ സ്വന്തം നാടായി മാറി എന്ന് എത്രയോ പേര്‍ വിലപിക്കുന്നു. അല്ലല്ലോ സാര്‍, ഈ നാട് എപ്പോഴും ഇങ്ങനെയൊക്കെ തന്നെയായിരുന്നു. അതിക്രൂര ബലാത്സംഗങ്ങള്‍ നടന്നാല്‍ മാത്രം ഉണരുന്ന ഈ പൊതുബോധനിലവിളി എത്ര അര്‍ത്ഥശൂന്യമാണെന്ന് ആലോചിക്കുക. പെണ്ണായും ആണായും ഉഭയലിംഗത്തിലുള്ളയാളായും കേരളത്തില്‍ ജനിച്ചു-ജീവിച്ചു-മരിക്കുന്ന ഓരോരുത്തരും ദിവസേനയെന്നോണം പല തരം സൂക്ഷ്മ ബലപ്രയോഗങ്ങള്‍ക്ക് വിധേയരാകുന്നു.