ചരിത്രം തങ്ങളുടെ സ്വാർത്ഥ താൽപര്യങ്ങൾക്കു വേണ്ടി വളച്ചൊടിക്കുക എന്നത് സംഘപരിവാർ അജണ്ട ആണ്. കുറെ നുണകൾ ആവർത്തിച്ച് ആവർത്തിച്ച് പറഞ്ഞു അവർ ചാനൽ ചർച്ചകളിലും മറ്റും വിഡ്ഢിവേഷം കെട്ടുകയാണ്. ആയിരം പേർ കേൾക്കുമ്പോൾ ഒരാളെങ്കിലും വിശ്വസിച്ചാൽ അത്രയുമായി എന്നതാണ് അവരുടെ ഉദ്ദേശം. കേരളം അവരുടെ വലിയ ഒരു ലക്‌ഷ്യം ആണ്. കാരണം ഇവിടുത്തെ ഇടതുപക്ഷ പ്രസ്ഥാനങ്ങളുടെ വേരോട്ടം തന്നെ. സംഘപരിവാറിന് എല്ലാ കാലത്തും വെല്ലുവിളി ഉയർത്തിയിട്ടുള്ളത് ഇടതുപക്ഷ പ്രസ്ഥാനങ്ങൾ ആണ്. കേരളത്തിലെ വിവിധ ഹിന്ദു സമുദായ സംഘടനകളിൽ കൈകടത്തി കൊണ്ട് സംഘ പരിവാർ ആ ലക്ഷ്യത്തിലേക്കുള്ള കുല്സിത ശ്രമങ്ങൾ തുടങ്ങി വച്ച് കഴിഞ്ഞു.

2016 ജനുവരി ഒന്നാം തീയതി, 83-ആമത് ശിവഗിരി തീര്‍ഥാടനസമ്മേളനത്തിന്റെ സമാപനച്ചടങ്ങില്‍, സി.പി.ഐ. (എം) ജനറല്‍ സെക്രട്ടറി ആയ സീതാറാം യെച്ചൂരി നല്‍കിയ പ്രസംഗത്തിന്റെ മലയാള പരിഭാഷ

ശിവഗിരിയില്‍ വരാന്‍ കഴിഞ്ഞത് തീര്‍ച്ചയായും അഭിമാനകരമായ കാര്യമാണ്. എണ്‍പത്തിമൂന്നാമത് ശിവഗിരി തീര്‍ത്ഥാടനത്തിന്റെ സമാപന സമ്മേളനത്തില്‍ എന്റെ ചിന്തകള്‍ നിങ്ങളോട് പങ്കുവെയ്ക്കാന്‍ ക്ഷണിച്ചതില്‍ ഞാന്‍ ഹൃദയംഗമമായ നന്ദി രേഖപ്പെടുത്തുന്നു. തീര്‍ച്ചയായും പുതുവര്‍ഷം തുടങ്ങുവാന്‍ വളരെ പുതുമയുള്ളതും ഉചിതവുമായ മാര്‍ഗമാണ് ഇത്. നിങ്ങള്‍ക്കെല്ലാവര്‍ക്കും എന്റെ നവവത്സരാശംസകള്‍.